Am Somstog den 9. November hot die Burschenschoft Tröpolach wieder des Herbstpreiswatten veronstoltet. Stottgfundn hots desmol bei da Chrstine und´n Helmut im Gosthof Durnthaler und auch dieses Johr hobm wieda viele Leut den Weg noch Tröpolach zum Preiswatten gfundn. Zuerst hot man sich natürlich amol für den Bewerb bei den Schiedsrichtern Steiner Gernot und Warmuth Gabriel onmeldn miasn... ...und die meisten Kortntippla hobm vor Spielbeginn noch amol die Spielregeln durchglesn, auf wos se ochtn miasn. Nochdem die Onmeldefrist verstrichn is - 26 Paarlan ongmeldet wordn - sein die Partien automatisch ausglost wordn und noch den Grußworten verkündet wordn. Und glei darauf is es donn im Saal a schon rund bzw. um die Wurscht gongen! Der ane oder ondere hot holt nit imma die besten Kortn ghob... ...oba egal ob Frau oder Monn, jeder wor mit großer Freude am Kortnspieln :) A da Leopold hot a bisl vorbei gschaut wia sich die Leitlan so schlogn und auch des ane oder ondere Gespräch gführt. Uma 2 in da Nocht wor donn der Bewerb fertig und wie´s holt in jedem Spiel so laft, muas jo ana da letzte sein, oba um Trost zu spenden, hobm se a bisl a Wurscht kriag Noch einer kleine Unstimmigkeit und Korrektur in der Auswertung sein donn a die Sieger festgstondn und desmol sein se aus Köstendorf kumen. Da Druml Rene und da Brunner Mario hobm dieses Preiswatten gonz knopp mit 6 von 7 möglichen Siegen und ana Punkteanzahl von 104 von 105 möglichen Punkten gwunnen und den Hauptpreis - a Schwein von der Fleischerei Smole - mit hamnehmen dürfen.

>>> zu den Fotos <<<

 

Rangliste 2013.pdf (140.17 KB)