204
Tage noch bis zum
Kirchtag

Wurde die passende Musik gespielt?
ja - hat super gepasst
könnte "beachmäßiger" sein
nein - hat überhaupt nicht gepasst

mehr Umfragen...
 
Kirchtag 2013
KIRCHTOG IS! Zum 528. Mol hot heuer in Tröpolach wieda da Kirchtog stottgfundn und wie immer wor des wieda a Highlight im Veronstoltungskalender jeden Tröpolachers!
 
Somstog - 3. Wochenende im Oktober - 14 Uhr - der 1. Schuss der Böllerkanone ertönt in Tröpolach und olle Leit wissn: JETZT is Kirchtog!
 
In der Zwischenzeit worn die Obsuacher schon fleißig unterwegs, um des Holz für`s Kirchtogsfeuer zomzusommln
 
Und nochanond sein die Leit zum Kirchtogsfeuer kumen um den Kirchtog gebührend einklingen zu lossn...
 
...und des ane oder ondre Liadl zu singen und ans zu trinkn
 
Am Obmd wor donn schon aniges los am Feuer...
 
...und a unsre Pferdlan sein bestens versorgt wordn.
 
 
Am Suntig in da Friah is es donn losgongen - mit Begleitung der TKW is es donn im Marschschritt zur Kirchn gongen um die heilige Mess zu feiern.
 
Danoch hobm sich Musikanten und Burschen vor der Kirchn beim Burschenstein versommlt um a poor Liadlan zu singen und des ane oder ondre Musikstück zu spieln.
 
Auch die "Tröpolacher Orgelpfeifen" worn heuer vor der Kirchn musikalisch a bisl präsent
 
Bekonnterweise losst sich mit trockener Kehle natürlich nit singen - oba die die Meisten hobm sich zu helfn gwusst
 
Donn is es a schon zu den Tröpolacher Gosthäusern gongen, de uns schon erwortet hobm...
 
...und wir auch wieda a poor Liadlan von uns gebm hobm (mit sehr tatkräftiger Unterstützung unserer Musikanten )
 
Am Nochmittog noch da Segensandacht sei ma donn offiziell ins Festzelt eingezogn...
 
...wo donn die Zechmasta mit ihren Sträußlbinderinnen den Tonz eröffnet hobm.
 
Auch viele Leit hobm am Suntig Nochmittog ins Festzelt gschaut.
 
Am Obmd donn hobm die "Osttiroler Bergvagabundn" aufgspielt und a richtig guate Stimmung verbreitet
 
Ob zu Fuß oder zu Pferd - Auf olle Fälle is bis in die frühen Morgenstundn viel getonzt wordn
 
 
Am Kirchtmontog nochn Burschenomt homma uns wieda vor der Kirchn versommlt und die Musik hot wieda ongfongen auf ihre Instrumente uma zu klimpern - wos oba nit so schlecht geklungen hot
 
und donn Musikanten, Männer und Burschen olt bekonnte Liadlan zum Bestn dorgebrocht
 
Derweil hobm de Zechmasta den Leitn a Stamperl Schnops ongebotn - wos nit imma des leichteste is um 10 Uhr in da Friah
 
Danoch hot traditionell die Kronzniederlegung beim Kriegerdenkmol stottgfundn, wo donn a "Bei Grodeck" gsungen worn is.
 
Onschließend sei ma zum Gosthof Filippitsch weitermarschiert, wo`s donn für die Burschen amol a Kirchtogssuppm gebm hot.
 
Oba viel Zeit zum Verweilen bleibt do nit, weil da Traktor zum Obsuachn wor a schon obfohrbereit.
 
Unsere Obsuach-Musiker "Klaus & Band" hobm totkräftige Unterstützung von unserer Kerstin kriag, de die folschn Töne mit ihrer Plastik-Trompetn von de 2 Musikanten perfekt ausgeglichn hot
 
Uns so sei ma donn von Haus zu Haus um hobm die Leitlan mit an Tusch und an Glasl Wein aufn Kirchtog glodn!
 
Und wie fein wor zwischendurch amol der ane oder ondere Happen zum Essn, den man uns ongebotn hot!
 
Am Obmd donn hot die "Du & i Partyband" aufgspielt...
 
...und die Besucher unseres Kirchtogs hobm a am Montog wieda brav und voller Freude getonzt
 
A die Eva und da Matthias hobm a Gaude mit da Jacqueline aus da Schlanitzn ghob :)
 
Da Bürgermaschta von unserer Gemeinde hot uns a an Besuch obgstottet.
 
Und a da Leopold hot sich am Kirchtog selbstverständlich a amüsiert.
 
Und wie imma hot grod da Kirchtmontog wieda bis in die späten Morgenstundn gedauert oba die Stimmung hot a noch a poor Togen Kirchtog nit drunter glittn.
 
 
Da Kirchtdienstog hot donn traditionell mit dem Sockhupfn ongfongen, auf des die Kinder schon fest gwortet hobm.
 
A da Lukas wor donn mit seina Quetschn parat...
 
...während wir Burschen unsere Dirndlan noch in die Säck gsteckt hobm und se zum Hupfn gschickt hobm.
 
Und oftmols konn man gor nit so schnell schaun, hot man schon an Sock üban Kopf...
 
...und muas - immer Musik noch - zum Hefnschlogn
 
A wenn da Kirchtog bis dohin doch schon a bisl ondauert, a Stamperl (oder a mehere) Schnops gibs natürlich auch noch am Dienstog
 
Und wieviel wir fürn Brandschutz unternehmen sigt man auf dem Bild eh ... danke lieber Fehlalarm!
 
Zu späterer Stund hot da Sepp uns donn wieda a feine Frigga gmocht de dem Mogn richtig guat geton hot!
 
Und so hot unser Kirchtog donn sei End gnommen - oba ans is gwiss` - es wor nit da letzte Kirchtog in Tröpolach!!!
 
 
Bericht wurde 2.398 Mal gelesen

Kommentare
Kommentar erfassen »»»