204
Tage noch bis zum
Kirchtag

Wurde der Shuttledienst von dir/euch Anspruch genommen?
ja
nein

mehr Umfragen...
 
Blochziachn
Wenn kane Dirndlan heiraten, donn ghörn se bestroft! So besogts holt da Brauch in Tröpolach und zum Leidwesen der weiblichen Burschenschaftsmitglieder wor heuer wieda a Strof fällig. 5 Johr hots gedauert, dass im letztn Johr ka Dirndl gheiratet hot und somit wieda a Blochziachn am Programm wor.
 
Mehr oder weniger freiwillig seind die Dirndlan von de Burschen eingsommelt wordn...
 
...und ins Oberdorf zum Jochile gebrocht wordn, wo da Bloch schon mitn Strohmonn parat gstondn is.
 
Passend zum Foschingsuntig worn die Burschen auf verschiedenste Ort verkleidet!
 
Eingsponnt, den 2 ältesten (zumindest unter den Anwesenden) Dirndlan ("Leit-K...") a Glockn uma und a kurze Unterweisung, dass sich ka Dirndl vom Bloch zum Entfernen hot !!!!!! ,...
 
...donn is des Theater oba schon losgongen.
 
Und mit "Theater" is es nit weit hergholt weil die Dirndlan hobm die Unterweisung nit recht verstondn und seind imma obghaut - bzw. hobm es holt (zumeist) hoffnungslos versucht
 
Sowohl die öffentliche (ORF) als auch die örtliche Presse (reisachTV, Salcher Poldi, Foto Keili etc) hobm des Spektakel interessiert verfolgt.
 
A für die zwischenzeitliche Stärkung wor gesorgt
 
Musikalisch is die gonze Partie von heimischen/örtlichen Duo "Tromonika" (Martin Filippitsch & Nicki Leitner) begleitet wordn.
 
Egal wo man hingschaut hot, es wor holt imma a Affentheater zum Segn!
 
Oftamol worn uns die Dirndlan wohl zu flink weil imma homma se nit vom Gosthaus obdaholtn und so bleibt den Burschen natürlich wieda a schöne Zeche, die es zu berappen gilt.
 
Schlussendlich wor donn a da Durnthola - des letzte Gosthaus - in Sicht bzw. niama fern...
 
...wo's donn für die Dirndlan und Burschen an Heringschmaus gebm hot.
 
Traditionell is donn da Bloch danoch versteigert wordn. Bis zum Schluss wors a heißumkämpftes Drumm Holz, des donn da Berger Alexander für sich ersteigern hot können.
 
Sowohl die heimische Bevölkerung, die den Umzug bis zum Schluss begleitet hobm...
 
...als auch als auch die Dirndlan und Burschn hobm den Obmd donn noch gemütlich ausklingen lossn.
 
 
 
Presse
 
 
 
 
Bericht wurde 2.522 Mal gelesen

Kommentare
Kommentar erfassen »»»