Des 3. Wochenend im Oktober is wohl für viele Tröpolacher und a ehemolige Tröpolacher a Wochenend, wo man nix onders tuat als den Kirchtog zu feiern. Heier wor des Wochenende vom 14. bis 17. Oktober. Wie jedes Johr fongt am Somstog, pünktlich um 14 Uhr da Kirchtog mit dem Läuten von de Kirchenglocken und somit mit de ersten Schüsse aus da Kanone on. Des Feier weat ongezunden und da Kirchtog konn starten. Zum Essen hots wie jedes Johr Gulaschsuppe geben... ...und genug zum trinken homa a ghobt. Bis in de Nochtstunden seima gsessen und hoben den Start ins Kirchtagswochenende gfeiert.

weitere Fotos ›››

Am Sonntag start ma wie jedes Johr schon friah, damit ma pünktlich in da Kirche sein. Natürlich mit musikalischer Begleitung von da TKW Tröpolach. De Musik hot danoch vor da Kirche no a bissl wos gspielt für uns und de Zechmeister sein mitn Wein zu de Leit gongen... ...oba leider hot uns da Regen gezwungen, früher ins Zelt zu maschiern. Wor oba a ka Problem weil de Musik donn anfoch oben weitergspielt hot. Unsre zwa Zechmeister sein donn a schon auf de Tonzfläche mit senre Streißlbinderinnen... ...und hoben se mit an flotten Tonz wie immer eröffnet. Gsungen is donn a no worn, ondas wie sunst, heier amol im Zelt. Ob Zmittog hoben donn de "Gipfelsturm Musikanten" den musikalischen Teil übernommen... ...bis donn de meisten zur Musik von de "VolxKrocha" des Tonzbein schwingen hoben lossen. Den kulinarischen Teil hot des Hotel Löffele übernommen. Zur späteren Stunde hots donn neben de Getränke aus der Schnopstheke... ...guate Pizzen geben. Mit gonz viel Liebe zubereitet natürlich. Long seima geblieben und homa gsungen, getonzt, glocht und getrunken und somit den Kirchtsonntag ausklingen lossen.

weitere Fotos ›››

Montog in da Fruah woan fost olle wieder fit, sog ma so 50% woan sogor in da Kirche Vor da Kirche hots wieder guaten Schnops geben, es is gsungen woan und de Musik hot uns a poor schene Sticklan gspielt. Onschließend gehn olle zommen zum Kriegerdenkmol, legen an Kronz nieder und singen "Bei Grodeck auf den Höhen". Komisch, des schaut fost aus als hätt ma do a Zechmeister-Comeback
Zommen seima donn bis zur Familie Filippitsch wo ma a guate Kirchtogssuppe gregt hobn. Am Nochmittog seima donn a schon losgradelt und gfoahn wie jedes Johr beim traditionellen Absuchen. Getroffen homa uns donn "Beim Winkler" ... ...wo uns donn de "Jungen Gailtaler" musikalisch im "Kuhstall" unterholten hobn. Do is getonzt worden und getrunken bis da Kirchtmontog a Ende gnommen hot.

weitere Fotos ›››

Dienstag wor wie immer für de Kinder Sockhupfen... ...wobei de Dirndlan aus da Burschenschoft a gezwungen worn sein zu hupfen. Dafür hoben a poor Burschen sena Können beim Hefnschlogn zagn miasn... ...außer man hot a Versteck gfunden. Am Obend hots donn wieder guate Frigga geben... ...wir seima zommengsessen beim Feier und hoben den Kirchtog somit ausklingen lossen.

weitere Fotos ›››

Des wors a schon wieder mitn Kirchtog und wir gfrein uns schon wieder auf nächstes Johr.