Schneehügl ???
Hmm ... irgendwie könnte man jo manen, dass ma fost noch a bisl verspielt sein, im Frühjohr wenn is Nossfeld schon zuasperrt, an riesengroßen Schneehügel zomzuschiabm und donn vielleicht noch a Schneeburg draus zu baun?
Nojo irgendwie wor's jo wohl amüsant im tiefsten Wintern mit an Onhänger voller Strohbolln onzurückn...
...oba wir wor ma jo nit die ersten obm sondan unsre badn Thomas's hobm schon längst mitn Ratrac a bisl an Schnee zomgschobm
Und irgendwie is der Hügl so gor nit klan gwordn oda seid's ondra Meinung?
Nojo jedenfolls nochdem des Hügale zu ana stottlichen Größe gwochsn is, homma des gonze noch mit a bisl Stroh bedeckt...
...und a Silo-Plane drüber grollt - wahrscheinlich, dass a bisl besser ausschaut!?
Oda epa doch nur, dass man besser von dem Hügale rutschn konn?
Tjo, da Gabriel hot wahrscheinlich wohl zu wenig Gewicht zomgebrocht, sodass ma ihm an Sondsock zum Rutschn mitgebm hobm
So, donn oba wieda zruck zum Eigentlichen - natürlich hot die Plane noch beschwert werdn miasn, dass se uns nit sogleich davonfliag!
Schlussendlich sei ma donn doch noch fertig gwordn und kurzes Fotoshooting mit den Protagonisten hot natürlich nit fehln dürfn!
... oba mit wos eigentlich? ... mit an Schneehügel? ... für wos?????
Tjo, olls hot seinen Zweck und olle werdn's noch friah gnuag dafrogn wos wir damit mochn