Gesellschoft is wichtig. Und um des Gonze a zu festigen hot unsere Burschenschoft heuer wieda zu an Almtag einglodn. Desmol homma des beim Lama auf da Rudnigolm gmocht, für des ihm a recht herzliches Dankeschön gebührt! Wie schon die letzten Johre a, sei ma dazua mitn Traktor auf die Olm aufegfohrn - hot man jo mehr Zeit ... natürlich mehr Zeit um die schöne Natur zu genießen A klana Zwischen-/Tankstopp beim Tommy in da Schlanitzen, donn is es oba a glei wieda weitergongen... ...am Traktor oda auch läuferisch per Tscherfel-Taxi (= "zu Fuß" für de Nixversteher) Auf da Olm onkumen, sei ma a stondesgemäß von den "Bewohnern" und dem Chef begrüßt wordn A des Sponferkel hot schon fleißig seine Rundn am Spieß gedraht oba die Kasbrote hobm an schon vorob gluschtig gmocht Für Unterholtung is wie imma a gsorgt wordn und so hots beim 1. Spiel ghaßn:
a poor Mol im Kreis drahn, a Schluckerl trinkn und flott lafn (wenn's geht holt nit herfolln)
... wer holt schnella is... Beim 2. Spiel is es a bisl ... ähm ... obszöner zuagongen
Titel vom Spiel wor: "Luftballon-bumsen"

Um kane Gerüchte zu verbreiten hier de Erklärung:
jeder vom Team (3 Leut pro Team) hot an Luftballon umagebundn kriag, noch ana klanen Laufrunde hot man donn miasn den Ballon vom Teampartner "zerstörn" miasn - ohne Hände natürlich
Und natürlich hobm de gonzen "Versuche" recht witzig ausgschaut und oft amol is es recht stürmisch zur Soch gongen! Des 3. Spiel homma lei amol kurz ongspielt oba bei den Witterungsbedingung hobm des Olympische Almkomitee de Veronstoltung leider obsogn und ersotzlos streichn miasn!

Mit Standlan hättn Dosn von ana Bierbonk gschossn werdn solln. Des gonze mit ana selbst gebauten "Schussvorrichtung" oba wie gsog, die orkanähnlichen Windverhältnisse sowie de schusstechnischen Talente von de Kandidaten hobm des Spiel zu an Streicher gmocht Als letztes Spiel wor donn des traditionelle "Nageln" am Plan ... natürlich mit Homma und Nägel zzzz
Des Gonze is oba auf Zeit gongen, also abwechselnd im Team hot man gemeinsom an Nogel auf Zeit versenkn miaßn. Als bestes Team und Gesomt-Sieger aus ollen 3 bewerteten Spielen is des "Erfohrungs-Team" mit da Kerstin, Tommy und dem Gernot hervorgongen! Im Onschluss wor donn des Fackl a soweit, dass es endlich vom Grill gnommen werdn hot kennen. Da Werner hot des liabe Fackl donn sozusogn fochmännisch zalegt... ...und die Dirndlan und Burschen hobm sich ongstellt um a super und köstliches Obmdessn zu ergattern! Zu späterer Stunde hot sich donn olls i die Stubm eine valogat... ...wo donn da Martin mit seina Ziehharmonika für Stimmung gsogt hot... ...und dabei a poor Schnapslan konsumiert wordn sein, a "Versteigerung" stottgfundn hot und a des ane oda ondre Tanzl gewagt wordn is Da Obmd wor auf olle Fälle sehr lustig und zu später Stunde sein donn a noch a poor schiane Liadlan erklungen... ...oba Schlof wor an dem Obmd wohl rar bzw. wirklich nit möglich... ...oba noch da "Mitorbeit" beim Küh-holn und dem Zuaschaun wia's auf da Olm so zuageht in da Friah bei ana Tassn Kaffee... ...is es donn bei den ersten Sonnenstrohln a für den Rest der Bande wieda Richtung Tol gongen. Obschließend gsogt wor's wieda a schiana und gesellschoftlicher Obmd mit unsra Burschenschoft und jeder der dabei wor werd des sicher in positiver Erinnerung holtn.

Und für olle de nit dabei worn: es kumt wieda a Olmtog und do seids a ihr donn dabei

>>> zu den Fotos <<<