Burschenschaftsausflug
Burschenschaftsausflug - auf des hot sich heuer jeder gfreit, denn da letzte wor jo schon wieda 2 Johr her - also homma heuer wieda an Ausflug geplant und der hot uns des erste Mol ins Auslond, noch Südtirol gführt. 3 Tog amol weg von daham und mit den Burschen und Dirndlan an schen Ausflug zu erlebm, des wor des Ziel und wir hoff ma des hot jeder ghob.
Getroffn homma uns für den Ausflug beim Walta auf da Tankstell, wo da ane oda ondre noch an Kaffee oder sogor a Bier konsumiert hot
Dos schiane Wetta hot natürlich auch an schian Ausflug versprochen...
...und nochdem des gonze Gepäck verstaut wor, is es donn a schon losgongen.
Natürlich wor die Stimmung im Bus bei ollen bestens - wos wäre auch a Burschenschaftsausflug ohne a kühles Blondes
Natürlich sein a genügend Pausen gmocht wordn - und des sogor bei Gösser in Lienz
Die Weinberge nebm da Stroßn hobm donn schon drauf hingwiesn, dass ma endlich in Südtirol sein!
Um uns zu stärken, homma donn amol beim
Traubenwirt mitten in Brixen...
...a Menü vom Feinsten eingnommen. Alan die Nomen der Gerichte hot schon viel versprochen und gschmeckt hots im Endeffekt gleich guat wia′s ausgschaut hot - also perfekt.
(Duett vom Knödel / Schweinefilet mit Senfkruste, Schupfnudel und marinierstes Rotkraut / klassisches Tiramisu)
...so hoffentlich hobm hetz olle grod wieda Hunga kriag
Onschließend is es donn direkt weiter in die Südtiroler Londeshauptstodt
Bozen gongen, wo ma donn im Hotel Chrys*** die Zimmer bezogn hobm.
Long homma oba nit Zeit ghob, weil uns des Progamm donn zu ana
Weinverkostung inkl. Führung durch die Weinkeller im
Gummerhof / Malojer gführt hot.
Olle hobm die Erklärungen der Hausherrin interessiert verfolgt und da Gabriel is schon gonz gluschtig gwordn, wia er die verschiedensten Weine gsegn hot
Im Onschluss sein uns donn mehrere verschiedene Weine erklärt, serviert und selbstverständlich von uns verkostet wordn. Zur Neutralisierung hots a typisches Südtiroler Schüttelbrot gebm.
Nochdem′s anfoch so gemütlich und lustig wor, sei ma donn doch länger gsessn als ma gedocht hobm und hobm dabei unsa Liadabiachl auf und ob gsungen und den Südtirolern unsere Sangeskünste nähergebrocht - oba wor schon witzig als Kärntner in Bozen des Bozner Bergsteigerliad zu singen
Teilwiese noch miad vom Vortog is es donn mehr oder weniger sicher am nächsten Tog Richtung Süden noch
Peschiera del Garda (für Gabriel: Peschiera = Pescharia)
) am Gardasee gongen...
...wo ma donn a herrliche
Schifffohrt von Peschiera noch Garda in Ongriff gnommen hobm.
Noch ana kurzn Pause bei kühlen Getränken und Snacks (ge Andi
) im Ort Garda is es donn a schon bold wieder mit Bus weitergongen...
Des Ziel wor donn des viel erwartete
Gardaland. Nach einem Größen-Check beim Gabriel is es donn endlich in den Vergnügungspark gongen.
Noch eindringlicher Recherche wo wos is, hot man glei a schon die coolen Achterbahnen gfundn und glei ausprobiert, daweil ondre auf die Toschn hobm aufpassn miasn
Oba a die etwos nasseren Attraktionen sein mit großem Spaß ausprobiert wordn
Auf olle Fälle hot des Gardaland muats a Gaude gmocht!
Zruck in Bozen is donn am Obmd in ana nohegelegenen Pizzeria gspeist wordn, wobei die Pizza
"Fantasie des Kochs" (im Bild: rechts oben) ihren Nomen wohl wirklich gerecht wordn is
Voll vom Essn hobm sich donn doch anige Leit inneren Schweinehund überwundn und die Bozner Innenstodt unsicher gmocht!
Noch ana mehr oder weniger kurzn Nocht is es donn nochn Frühstück wieda
Richtung Heimat gongen.
Zruck gongen is es donn niama übers Pustertol sondern übers
Grödner Joch und
Alta Badia...
...wo ma noch amol die malerische Berglondschoft bewundern hobm können
Als letztn Punkt am Programm is donn a Mittogessn am
Misurinasee ongstondn, des ... hmmm ... sog ma so, in jeglicher Hinsicht verbesserungswürdig wor
Noch weiteren 2 Stundn (oder so) Fohrt sei homma donn endlich (??) wieda unsre heimischen Berg erblickt!
Und hätt uns jo gwundat, wenn nit da ane oder ondre noch a Glasl Wein vorm Hamgehn getrunkn hätt
Obschließend könn ma glab i sogn, dass es a wunderbarer Ausflug ins schöne Südtirol wor und freuen uns alle schon auf den nächsten Ausflug in 2 Johr