Zum 9. Mol hot sich heuer unsre Beachparty gejährt - und ans könn ma sogn, es wor wieda a Wahnsinns-Party. Cocktails, Limbobewerb, Beach-Ball-Bewerb, Tänzerinnen, super Musik und a eigener Beach mit feinstem Sand - das erwartete heuer alle Besucher der Beachparty! A perfekt aufgstellte Crew der Burschenschoft hot a heuer wieda viel Zeit investiert um a tolle Party zu veronstolten... ...und natürlich wor des absolute Highlight heuer unsre Schneebar im Außenbereich
...konn man fost sogn: einzigartig!!! Zur Sicherheit is se a beim Aufbau getestet wordn Die Theken-Teams hobm sich a perfekt eingrichtet, worn für olles grüstet und hobm euch hoffentlich a zu eurer Zufriedenheit bedient Von Onfong on sein die Leit von unsan gratis Shuttledienst auf die Beachparty gebrocht wordn... ...und vor den Theken wor glei amol aniges los! Die Cocktails worn natürlich sehr gefrogt und des Personal hot üban gonzn Obmd hinweg aniges zum Tuan ghob... ...oba gschmeckt hobm de Cocktails vorzüglich Auf unsan - seit heuer neu - Beach-Ball-Platz hobm anige Leit ihr Können am Beachsond getestet... ...während ondre sich's auf unsan "Beach" gemütlich gmocht hobm Auf olle Fälle hots ollen Gästen gfolln und überoll wor Beachfeeling zum Sehn und zum Spürn. Für die Sicherheit auf da Beachparty hobm nit nur anige Securities gsorgt... ...sondan a unsa neues Burscheschoftsmitglieder, unser Olympiasieger Markus Salcher hot für Ordnung beim Eingong gsorgt, die gonzn Gäste begrüßt und sich des Treibm a drin a bisl ongschaut! Olle wolltn natürlich die Schneebar segn - vorollem schon weil Viele des für an Scherz gholtn hobm - oba im Außenbereich wor imma besonders viel los! Und so moncher hot sich donn doch a bisl verton und hot gor gedocht, wir veronstolt ma a Schneeparty und a Schigwond wär die beste Ausrüstung dafür! --> @Nicki: sauba!! Noch vor Mitternocht hots donn an Beach-Ball-Bewerb gebm, bei dem Treffsicherheit gfrogt wor und da Sieger hot sich über a Getränke-Steign freun dürfn! Die Tänzerinnen sein jo schon a Fixpunkt auf unserer Party und hobm a heuer wieda ihr Können gezagt und super Stimmung verbreitet A die Burschen aus den Nochbarorten wordn vertreten... ...sowie viele ondre Leit a, de die Beachparty besuacht hobm! Für die perfekte Musik und Lichtershows hot heia da DJ Ron Starz gsorgt... ...den auf unsan "Beach" wor imma wos los! A unsa Stodtrot Leopold Astner aus Tröpolach mit seina Frau hot auf die Beachparty gschaut und wor sicherlich a beeindruckt wos für ane tollen Veronstoltungen im Dorf stottfindn. Wo man a hingschaut hot, überoll hobm sich die Leit gedrängt... ...und die Beachparty anfoch wieda zu ana genialen Party gmocht! Zu späterer Stunde wor donn wieda da Limbobewerb am Plan, bei dem wieda sehr viel Gäst ihr Glück und Gelenkigkeit unter Beweis gstellt hobm (oder wollten ) Oba monche worn holt doch um an Tick besser und gelenkiger als ondre... ...und so is a heuer wieda (ca. zum 5. Mol) die Stefanie als Siegerin des Limbobewerbs gekürt wordn und hot sich ebenso über a Getränkesteign freun dürfn! Die Party hot natürlich noch a Zeit long gedauert, bis donn a da Letzte die Beachparty verlossn hot! Als Obschluss bleibt uns nix ondres übrig als euch allen zu donkn, dass IHR unsre Beachparty wieda zu an besonderen Fest gmocht hobs und so freu ma uns natürlich umso mehr euch auch nächsts Johr am 4. Juli 2015 wieda auf unsra Beachparty begrüßen zu dürfen!

>>> zu den Fotos <<<

 

>>> zu den Umfragen <<<